|
Легенда о происхождении винокурения.
Выписано из книги из стоглавника питии и от чего суть устависа винное питие
(Рум. Муз. Сборн.. № 363 XVI в.)
По вознесени Господни, ученицы Господа Бога и Спаса нашего Иисуса Христа ходиша по земли, и учаху людей Господни заповеди, правой християнстей вере, и закону Божию. И завиде сотона завистию своею, и начата з бесы своими беседовати, како бы уловити род человеческий пьянством? И выступив сильный
бес, и глагола сатане своему: аз ведаю, господине. И дата ему сатана власть пияную, и нача с ним беседовати, и глагола бес: еще я ведаю: осталось тое травы, что есть прельстил Ноеву жену на оравицких горах; иду ныне по нее, и прельщу челевека, его же обрящу. Посем воста сотана з бесы своими, и поклонися ему, и воздаша хвалу и честь велию, и посадиша его на престоле евоем царьстем, и даша ему венец царьский, и порфиру, и скепетр, и нарече его сатана: пияныи еси бес, возлюбленныи мой.
И поиде бесъ «пияны мой», и обреете человека некоего на пути, в Палестину идуща из града вон во иный град, потому что обнишавша зело. И глагола бес: пойди, человече, во град сей и выди заутра: аз ти дам вещь, и будешь у царя пож(ал)ован, чего ты и не ведаешь. И пристрочили себе место уготовано при реце у источника, и побеже бес на оравитския горы, и взя скоро траву, еже есть хмель, и приде на уреченное место на источник, и уготова кубы, и налиша браги, и накинух (накину) горьшки, и потом замазаша тестом с трубами, и сквозь кадей пропустиша, и налиша кади полно воды, и подложиша под кубы огня, и нача огнем варити; и пойде сквозь кадеи трубами аки хитрое зелие (недоумеющу человеку тому, и на ум его не взыдоша); потом положиша в сткляницы, и посла его бес ко царю, и повеле поклонитися и отдати честно царю, аки дары честныи.
И созва царь во граде своем велможи свои, и нача дивнтся подаренному от человека того хитрому зелию, каково есть. И налиша чашу царю, и испиша ю, и понесоша велможам всем. И быша все веселы во граде Царь авелможи нача(ша) человека того дарити, чего ему прежь сего и на сердце не взыдоша.
И глагола бес: поиди, человече, в Палистину к царю. И глагола в Палестине царь человеку тому: кто ти есть указа таковое зелие зделать? Зело есть предивно! Дай его семо, и аз дам ему до полуцарьствия моего.
A бес в ту пору поиде в свое место, к сатане, и поклонися сатане своему. Окоянны же сатана даша ему власть царьскую в пиянъетве, по прежреченному обещанию своему. И быше бысть светлыи (? ) сатана су угодшими своими бесы, и еще дастъ ему сатана люкавыи 300 бесов на помощь. И бысть велик той
бес у сатаны.
A человек той поиде и по всей земли искати беса на месте том, и не обрете его, и возвести царю о прежреченном хитром зелии сем: и не вем, где и куды человек прежереченный; а я то, царю, такое хитрое зелие умею сделать и сотворити. Человек же той бысть пожалован от царя, и на речен будетъ у царя великий велможа и друг царев.
И оттоле разнеся то хитрое зелие, сиречь нынешнее вино, рекомая горелка, по всем странам и градом, в Цари, и в Литву, и в Немцы, и во вся грады, и к нам в свято-рускую землю.
Памятники старинной русской литературы издаваемые графом Григорием Кушелевым-Безбородко, под редакцией Н. Костомарова. Сказания легенды повести сказки и притчи. Выпуск первый. Санктпетербург 1860 стр. 137-138
Поскольку текст довольно сложный для сверки ниже приведены страницы из книги.
  
|
